材料： (20粒份量)
葵花籽 50克
南瓜籽 25克
開心果肉 25克
糖漿（糖尿者使用） 6茶匙
原味棉花糖 15克
低脂低鹽植物牛油 1茶匙
牛油紙 1張
做法：
1）用中火將易潔鑊加熱，白鑊放入葵花籽，南瓜籽和開
心果，炒至微微金黃。
2）熄火，加入糖漿，輕炒材料至糖漿完全被吸收。
3）重開中小火，加入牛油炒勻。
4）下棉花糖慢炒，棉花糖因熱力會慢慢融化變成糖絲，
把混合物慢慢黏在一起，當糖絲變成淡淡咖啡色，混
合物亦會黏在一團成籽仁糖。
5）將籽仁糖團取出，放在牛油紙上，輕輕壓成約1厘米厚
的果仁糖餅。
6）待糖餅放至温度約微暖時，切成20小粒便可。
溫馨提示:
1) 果仁最好選用無鹽或原味.
2) 可用花生或腰果代替開心果.
2) 雖然這是健康小食, 但也不宜過量, 女士只可每天吃3粒, 男
士也不可多於5粒.
歡迎加人“儀家煮意”嘅Fans page:
https://www.facebook.com/cookingiyea
請多多支持,多謝!!!**
紅菜頭一般會用作煲湯或搾汁, 但原來炒.......都一樣咁正!!
材料:
紅菜頭 1個
蒜頭(切片) 2粒
乾蔥(切片) 半粒
酒, 水 適量
調味:
鹽 1/3茶匙
糖 少許
做法:
1) 紅菜頭洗淨, 刨皮切厚片.
2) 用中火爆香蒜片和乾蔥, 下紅菜頭, 轉大火爆炒, 灑酒, 放調
味, 和適量的水, 加蓋, 轉中小火焗煮7-8分鐘, 喜歡稔點可將
時間加倍, 煮至稔度適中便可.
歡迎加入"儀家煮意"嘅Fans page:
https://www.facebook.com/cookingiyea
請多多支持, 多謝!!!**
向來只係喜歡食自家製嘅牛脷, 因為出面食到嘅都係無乜咬
口, 太稔! 自家製可隨自己口味去做, 一定係最好食(我自己話
咋)!!!
材料:
牛脷 1條
磨菇(開邊) 8隻
西芹(斜切) 2條
洋蔥(切角塊) 半個
紅蘿蔔(切角塊) 半個
乾蔥(切片) 2粒
蕃茄(中/切件) 3個
薯仔(切角塊) 1個
蒜蓉 2茶匙
紅腰豆 半杯
砵酒或紅酒 ¾
杯
茄膏 2-3湯匙
八角 6粒
茄汁 3湯匙
花椒粒 2茶匙
月桂葉 3-4片
鹽 1湯匙
雞湯, 水 適量(雞湯和水的份量是1比1)
做法:
1) 紅腰豆隔晚先用水煮5分鐘, 加蓋放過夜(到煮時可縮短時間).
2) 將牛脷出水5分鐘, 刮去脷胎. 然後再煲一煲滾水(水要蓋過
牛脷), 放入花椒, 八角, 鹽同牛脷, 滾後轉小火炆1個半小時,
熄火備用.
3) 以中火用牛油起鑊, 將洋蔥, 乾蔥, 蒜蓉爆香, 放入薯仔, 紅
蘿蔔, 紅腰豆, 適量的雞湯和水(可加入煲紅腰豆的水), 當薯
仔煮至半稔時, 再將其餘材料加入同煮(砵酒先放一半), 直
至薯仔適合的稔度, 加鹽, 糖調味, 此時放入淨餘的半份紅
酒, 熄火.
4) 拿出牛脷切件, 排放在碟上, 將煮好的醬汁燴入即成.
溫馨提示:
如喜歡較稔口的牛脷, 可將炆煮時間延長為1小時50分鐘或至2小時亦可, 隨個人喜好.
歡迎加入儀家煮意"Fans page":
https://www.facebook.com/cookingiyea
請多多支持, 多謝!!!**
沙律, 沙律, 又係沙律, 儀家最愛始終都係沙律, 任何款式嘅
沙律, 一樣喜歡 !!!
材料:
急凍白蝦(細) 隨意(相中係中虎蝦)
青瓜(切片) 隨意
粉絲 1扎
沙律汁:
壽司醋 100ml
味醂 100ml
糖 少許
做法:
1) 粉絲用凍水浸軟, 沖洗乾淨, 飛水至軟身, 瀝乾, 待用.
2) 將沙律汁混合好, 放入雪柜雪凍, 備用.
3) 青瓜洗淨切片, 白蝦解凍, 飛水, 瀝乾.
4) 將粉絲放入碗中, 再放青瓜片和白蝦, 最後加入沙律汁, OK!!
溫馨提示:
相中用了虎蝦, 但其實用白蝦的賣相和口感會比虎蝦好, 因白蝦肉質較鬆軟, 做冷盤最適合, 不過儀家做菜喜歡隨意, 家中有甚麼便用甚麼, 最緊要方便嘛!
歡迎加入儀家煮意"Fans Page":
https://www.facebook.com/cookingiyea
請多多支持, 多謝!!!**
年幼時, 儀家記得每日都跟住家姐返學, 放學, 小息時家姐會
幫我排隊買枕頭包(以前係咁叫架)同維他奶, 我地就坐喺長櫈
度一齊食, 諗翻都好開心, 好有安全感 !
年輕時, 儀家同家姐一齊返工, 放工, 食晏都一齊, 當時好喜
歡同家姐去上海館食午飯, 還記得家姐好喜歡食上海排骨麵同
炸菜肉絲飯, 而我就喜歡叫上海湯粗麵同三鮮飯. 今日突然好想
試吓當年家姐好喜歡嘅炸菜肉絲飯, 不過我今日選用左雞絲(因
為屋企無豬肉), 原來真係幾好味, 最好就係少肉多菜, 啱晒我,
唔知你地又喜歡唔喜歡呢 ?!!?!? ~.~
材料: (2人份量)
雞肶肉(切絲) 200克
紅油炸菜絲 1包
牙菜 半磅
子天椒(斜切) 2隻
蒜蓉 3/4茶匙
調味:
適量的糖, 鹽, 胡椒粉, 生粉, 紹酒同(儀家)自製的X.O醬....油啦!
茨汁:
雞湯 3/4杯
蠔油 1茶匙
生粉 2茶匙
X.O醬油或麻油 少許
做法:
1) 雞絲用醃料略醃10分鐘, 待用.
2) 牙菜, 炸菜洗淨, 瀝乾, 備用.
3) 中火爆香蒜蓉, 下雞絲, 炒至7成熟, 放入炸菜, 牙菜轉大火炒
至軟身, 加入辣椒絲和茨汁兜勻, 將煮好的炸菜雞絲放在飯
面便可.
溫馨提示:
用包裝的炸菜絲不需浸水, 只要略為沖洗便可.
歡迎加入儀家煮意"Fans page":
https://www.facebook.com/cookingiyea
請多多支持, 多謝!!!**
什麼打拋豬 , 打拋雞 , 其實即係泰式嘅做法 , 不過又幾開胃
幾好味喎 !! 加塊生菜包住佢 , 又變成泰式生菜包 , 再加埋白飯
一齊包住食 , 就變成好飽嘅 (泰式生菜包 )嘞 !! 好味 ~
材料:
無骨雞肶仔 5塊(380克)
洋蔥 1/3個
蒜蓉 1茶匙
乾蔥 1粒
子天椒 2隻
檸檬汁 1.5湯匙
九層塔 1棵(只要葉的部分)
生菜 1棵
醃料:
魚露 1茶匙
鹽 1/3茶匙
糖 3/4茶匙
生粉 3/4茶匙
胡椒粉 少許
酒 1.5茶匙
油 1茶匙
做法:
1) 全部材料洗淨, 切粒(生菜除外), 九層塔用手撕碎, 雞肉用醃
料醃10分鐘, 備用.
2) 中火爆香乾蔥, 蒜蓉, 洋蔥, 子天椒, 下雞肉轉中大火炒熟,
加入檸檬汁和九層塔, 兜勻, 上碟. (可配以白飯同吃)
溫馨提示:
九層塔用手撕碎比刀切更香, 亦不要煮太久, 會氧化變黑, 影響賣相, 只須兜勻便可.
歡迎加入儀家煮意"Fans page":
https://www.facebook.com/cookingiyea
請多多支持, 多謝!!!**
西餐中........牛扒同羊架都係儀家嘅首選, 今次選用咗幾種好
普通嘅香料混合而成嘅Seasoning Salt去醃, 效果唔錯, 大家不
況試試!!
材料:
羊架 1大塊
調味: (Seasoning Salt)
孜然粉 1.5茶匙
紅辣椒粉, 黑椒粉, 鹽 各1茶匙
做法:
1) 羊架洗淨抺乾, 分切成8小件.
2) 灑上少許調味在羊架的兩面, 用中大火煎40秒, 再放入已預
熱180*C的焗爐, 焗5分鐘(或直接煎熟也可), 上碟.
溫馨提示:
先煎後焗的作用, 是要將羊架保持在5成熟, 但又不會有血水流出.(同樣的方法也可用於牛扒, 但時間須略為調教)
歡迎加入"儀家煮意"嘅Fans page: https://www.facebook.com/cookingiyea
請多多支持, 多謝!!!**
