廚餘盡用之~"香濃雞汁炆米"~

     之前同大家介紹過嘅"白酒檸汁焗雞", 焗後會剩下一大碗嘅

雞汁, 千其唔好倒左佢, 用嚟做個炆米, 好味到暈. 唔信?? 一齊

睇吓喇喂!!

哩個就係之前介紹嘅"白酒檸汁焗雞"嘞!

哩個係今日想講嘅~"香濃雞汁炆米"~

材料:
剩下嘅雞汁 1大碗, 米粉 3個, 肉類(隨意, 我今日用左豬潤同雞

腿肉) 約3/4碗, 芽菜 1碗半, 蒜蓉 1茶匙, 姜米 半茶匙, 水 1-2碗

(喜歡嘅話, 可以再加少少雪菜或炸菜絲都得, 重和味啲添). 




做法: 
1) 肉類洗淨, 瀝乾水份切絲, 用適量的生抽, 鹽, 糖, 粟粉, 油, 
    略醃15分鐘. 用中火爆香姜米和蒜蓉, 下肉類轉中大火炒
    熟, 盛起備用.

2) 將剩下的雞汁倒入鑊, 放入米粉和水, 開大火煮滾, 滾起後
    轉中火, 慢慢將米粉煮至軟身, 用筷子鬆開, 下芽菜和已炒
    熟的肉類拌炒均勻, 至芽菜軟身(哩個時候, 通常啲廚師會
    叫你落翻啲鑊尾油, 好讓其賣相靚啲, 但我唔會囉, 一來我
    唔係廚師, 我係家庭主婦咋, 二來我怕油, 三來個雞汁已經
    有油, 所以唔需要), 上碟.




歡迎加入我嘅 "Fans page": https://www.facebook.com/cookingiyea 
請多多支持, 多謝!!!**